Damdawi In awmna lam (Vengsang an ti emaw ni)-ah khan kan thleng a. Keini ṭhian ho 3 leh branch dang (Armed Veng) tlangval 3 kha kan thleng a. Veng neitute emawni khan “mikhual nei lo an la awm… a ṭhen hi kan lachhuak leh dawn” an rawn ti emaw ni! Branch 2 aṭangin 3 ve ve an ni a… 1 ve ve an leng bo a… “a lo haw hmasa zawk zawk branch chhuak leh mai se” an ti a niawm e. Ka haw hma ta zawk a, kan ṭhianho chu hmun dangah min dah ta a. Chaw pawh ei lo… zan pawh riak loin… hmun dangah min dah leh ta a ni.

Pandal chhunga ban nei tlem kha pandal sa thiam tehna a ni mai thei… Ratuah khan ban 1 chiah a awm mai bawk a. Serchhip khan ban nei lo kha an apply a niawm e. Mahse sik leh sain a zir lo nge ni… khua a nuam lo a… ruah a sur ta vel nen… conference kan neih meuh kha chuan pandal chhungah mau ban a intung ta nasa mai a… pandal chhunga ban inphun tamna ber a ni mai awm mange tih tur a ni ta😀

Pandal kawt leh a chhung chu a chiau viau… nula te pawhin an puan chhing deuh tei tawiin an bih a… an pheikhawk an khai sup hlawm bawk.

Conference pual khan thil eng eng emaw an siam khan ka hria a.
Polythene bag an siam kha… kum 20 hnuah han ka la nei… He khawvelah hian nei an awm ka ring tawh lo e. Ka kal leh thei a nih chuan ka keng mai thei.

Kum 20-na a lo ni leh ta a. General Conference thleng tur Serchhip mipuite duhsakna ka hlan e.